من ديوان / شىء غريب
…عتبناكم ولا فاهمين ،
قلوب قاسيه بتنضح طين .
..وبعتوا الود وجماله ،
نسيتونا فى غمضة عين .
..قسيتوا والقسى علم ،
وبتجادلوا ولا فاهمين .
..يمين الله تعبتونا وخذلتونا ،
ياميت حسره على الغالين .
..ومحنه تعدى ورا محنه ،
ودمعة عين بتسقى العين .
..مكانكم كان يطول الشمس ،
وعشتم فى القلوب دافيين ،
..لو اختاركم ومن تانى ،
راح تبيعوا ولا شاريين .
..عشان الطبع متغيرش ،
قلوب ماتت ليوم الدين .
..ولا فارق معاكوا انا مين ،
مين العايب ومين الزين .
..عشان العمر مبيرجعش ،
عشان بعتوا فى غمضة عين .
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب