امسكي قلمك حبيبتي
اكتبي.. امسحي اشطبي
ارسمي.. لوني.. ابدعي
اكتبي اللي مالي خاطرك
متخافيش.. اغزلي من شمسك
حروف متتنسيش..
اعزفي علي ناي قلمك
كل اللي تحبي تسمعيه
وامسحي كل اللي يوجعك
ولونيه..وخففي الالوان
خليها حلوه مبهجه
زيك تمام..
ارسمي بسمتك
وانقشيها وابرزيها بحلو الدهان
خلي عينك تبقي لامعه
اوعي تحطي فيها دمعه
جملي فيها النظرة
وانشريها للبشر
هتبقي حبيبتي
احلي قمر
خلي حياتك مبهجه
متسمحيش بالبكا
خليكي دايما شايفه
ان العمر كله ليكي
وان الفرحه بتناديكي
وان الدفا في حضن الحبايب
احلي عفا..
احلي لحظات الامان
نسيت اقولك..ابقي اشطبي
علي اي حد واي حاجة
تخلي يوم قلبك حزين
ده العمر يا حبيبتي يومين
عيشيهم سعادة
العمر مش هيتعاد مرتين
بقلمي /رويدا عبد الحي
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب