لما كنت صغيرة
كانت الحياه أجمل كتير
والقلوب مليانة خير
و في صغير و في كبير
وكل الناس ماشية بضمير
ومفيش عقول متحيرة
ده لما كنت صغيرة
كانت الوعود كلمة شرف
صعب لما نختلف
الولد لما يُقف
أُدام ابوه زي الألف
والبنت ماشية
بالنظام والمسطرة
ده لما كنت صغيرة
كان فيه حنان بين البشر
فيه رضا تمام بالقدر
الأمان بين الدروب
صعب أسمع عن حروب
أو عن قلوب متحسره
لما كنت صغيرة
قطر زمانا بسرعته
داس ع الجميع في سكته
وفرض علينا كلمته
بدل آمال متحضرة
أيام ما كنت صغيرة
شمس الزمان ياشموسة
رجعي أرواحنا المحبوسة
وهاتي لنا معاكي فرحة كبيرة
تداوي ايامنا المتعوسة
وداوي قلوب كل البشر
وكفاية غش ومنظرة
قلوب بتخدع وكلام بيوجع
وقلوب تبات متكدرة
راح اللي فات فين ياتري
هي الحياه لسة الحياه؟؟
ولا أنا متغيرة؟!
ياريتنى لسة صغيرة
بقلمى ميرفت أمين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب