فاكر لما… كنا لمه
جوه طشت بنستحمى
الحياة كانت بسيطة والدولاب مسمار ف حيطه
وأم العيال الحويطه مطبخها كان وابور وحله
الحياة دلوقتي زيطه هيصه زحمه وخلطبيطه
ايوه فاكر زي ما يكون كان عشيه
لما كنت اقعد و اذاكر ع السطوح ف المغربيه
كنت يومها جد شاطر والنتيجة تبقي ١٠٠
هما كان كرسين جريد والبابور كبّاس حديد
واللمبة جاز نورها يزيد واللمه كانت م اللي هي
الحيطان كان تبقي بوص سقفها كان كله خوص
وعمر اخوك ما عليك يدوس والربايه كات قويه
واما ابوك ينده عليك من كل شي تنفض ايديك
خوف الزمن يظهر عليك خوف احترام مَش عنطزيه
وبدري تصحي الصبح أمك زي نور الصبح ضمك
اما دلوقت اللي حاصل
مَش هاقول عنه اي حاجة
غير انه فيلم وتمثيليةفاكر لما… كنا لمه…. جوه طشت بنستحمى…..
الحياة كانت بسيطة…. والدولاب مسمار في حيطه
وأمهات كانت حويطه…… مطبخها وابور وحله….
وغدوة في الضهرية حلوة…..ونومه رايقة في حته ِضله
وصهد فرن يدفي ضهرك … مش سرير وخشب ومله
ضحكة صافية والف عافية …. والكولدير كان زير وقُله
ولمة العيلة الكبيرة ………. جنب راكيه دافيه حلوة
راحت البسمة الجميلة …غابت الضحكة اللي طاله
ميت خسارة علي البساطة… كانت حياتنا بيها جنة
الحياة دلوقتي زيطه …..زمبليطة .. وخلطبيطه.
بس اجمل ذكرياتنا …. واحلي كل سنين حياتنا
لما كنا… بنبقي لمه … جوه طشت بنستحمي..
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب