مبقاش لا ليا مكان
ولا حبايب ولا خلان
ولا تواريخ ولا أيام
قلت أسافر
وابدأمن جديد
والله هاعافر
عشت الأيام
بمرار كافر
ولا يعرف دين
ودموع كات
ماليه العين
وقلت أعيش
لكنه مفيش
أي مرام
أي حنان
ولا حتي غرام
حتي الأيام
قفلت بابها
أصلي اتأخرت
علي ما جيتها
وخدني الزحام
أنا عمري
ما فكرت أسافر
ولا أبعد عمري
عن الاوطان
بس لقيتني
مشاعري ماتت
بعد ما كانت
يوم نار قايده
ومفيش قدامي
غير إني الملم
في حطامي
وأفوق من
زحمه اوهامي
وأحجز تذكره
لمكان أبعد
عن أي أناني
وابدأ عمري
كده وحياتي
وأروح وماجيش
أبدًا تاني
ماخلاص مبقاش
حد هيسأل
ولاحد هيهتم
ما وراهم شيء
غير بس إني
اشيل الهم
كفياني شيل
وبكا ونواح
بطول الليل
كان نفسي
أبقي وأديكم.. حب
وأمان..وحنان
يملا قلوبكم
ويغير كده
من أخلاقكم
ويعلمكم
إنكوا تدوا
بس مافيش فايده
همشي بلا مناهده
وخلاص عالغربه
انا هاتعود وهاعيش
ولو بت هناك يوم
مكسور ..عادي
هاحاول من
وسط كسور
ينبت زهور
وهكمل عمري
في الغربة
ومبقاش مضطر
إني اسافر
بقلمي.. رويدا عبد الحي
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب