كتير قوي بكون في حالة دهشة وتعجب من كلام الناس اللي بيتكرر ومالوش معني……وبالذات موضوع “هو انا شكل مين” ..وبيكون أكيد يقصد حد من المشاهير طبعا
بس اللي عايز أفهمه
إزاي كمان يتعمل برامج ومسابقات في كل انحاء العالم لتصوير بعض هؤلاء المقلدين للشخصيات العامة من “الموهومين” بجنون الشهرة من خلال الشكل والملابس وطريقة الأداء في الكلام وكذلك الغناء والتمثيل والمشي والتصرفات بشكل يجعلهم أمام المشاهدين زي البهلوانات تماما وهما فاكرين نفسهم موهوبين للاسف
وعلشان إيه كل ده
فالإنسان المقلد ليس له شخصية ….فلقد خلقنا الله عز وجل كبشر مختلفين في كل شئ….وأصدق مثل علي كلامي هذا هو “بصمة الأصابع” وتلك هي معجزة الخالق……فخلق بصمة واحدة فقط تميز الانسان عن إنسانا اخر . .فلما هذا المجهود والتعب الغير مثمر والغير مبرر لنكون نسخ مشوهة من بني أدمين آخرين إجتهدوا وتعبوا ليكونوا علي ماعليه الان …..إن الله لايضيع اجر من احسن عملا….فيا من تنظر إلي نفسك وفاكر انك معجباني أو انتي ياللي متخيلة نفسك مارلين مونرو
اجتهدوا وجاهدوا علشان توصلوا كلكم للي انتم عايزين تبقوا شبهم وبكده هايبقي أفضل وأحسن بكتير من إنكم تكونوا….”فوتو كوبي”
*اللهم اصلح أحوالنا ويسر امورنا واختم بالباقيات الصالحات أعمالنا وكن معنا ولاتكن علينا
*امين.. امين.. امين
يارب العالمين
More Stories
يوم اليتيم بآداب المنوفية… احتفالية إنسانية بروح العيد ترسم البهجة في قلوب الأطفال
مروة أبوسالم حين تتحول الإنسانية إلى رسالة والإعلام إلى نور يصنع الأمل
التطوع:صناعة البطل الحقيقي