بقلم أمل أمين
إوعاك تشوف الظلام
تقول خلاص
دي طبلت
واتعميت
شايف خيالك
أيوه بص
يبقي أكيد في ضيّ
ده لو بصيت
حلوة الحياه لما تعافر فيها
وتيجي الفرحه بعد الآه
وتقول خلاص
عديت
لو ألف إيد هترجعني لورا
انا بعون الله مكمل
ولا لضعفي ولا لليأس
يوم وطيت
إرفع لي راسك بص فوق
كل اللي جنبك حته منك
ليه للهموم
حنيت و انحنيت
كله معاك
ماسك في حلمك
والحلم أهو طال الجميع
اوعاك تنخ وتنكسر
ويتهدم ما بنيت
الشمس راح تطلع
وويا شعاع النور
راح تختفي عتمة
سواد الليل
مهما عانيت
حارب بقلمك
أي ضعف ..اي خوف
وأي شيء يتقال عليه
في يوم مستحيل
ماتصدقوش
بجد ياريت
ومن النهارده لازم تصدق
شمسنا باقيه طول ما ربك
شايف .وهو عارف بالنوايا
قول يارب…… قول يارب
صدقني هتلاقيها
زي ما اتمنيت
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب