أنا وهو بقالنا كتير
أعز صحاب
يقب ويختفي فجأة
بلا أسباب
ويرجع تاني ويخبط
علي الأبواب
ويحكيلي حجج تا! فهة
ونار وعذاب
وطنشت وصبرت عليه
أقوم أنا برضه أدلع
وأسوق في عنادي
وأرزل وما أردش
وأتمنع
وأقول والله لوعاجبك
وأزغرله وأقول :
ينفع؟؟!!
يقوم متغاظ
ولون وشه يجيب ألوان
أحسها نار وهتولع
وأنا مالي ..ما أنا برضه
صبرت عليه
حاولت أفهم عشان أساعده
لكن دايمًا سايق عنده
ماهو برضه محيرني
وأنا ما أقدر علي بعده
ومين غيري يشيل همه
كده بسكاته ده قلقني
موترني
وجيه تاني وصبرت عليه
حكاوي كتير ماليها أخر
تعبت بجد من الأخِِر
وطول الفكر سهرني
طريقته بجد تعباني
وأقوله ياصاحبي إيه تاني
يسوق فيها العبط يعني
بجد خلاص
مجنني
و برضه ياناس
صبرت عليه
أحب تكون معايا صريح
بلاش تيجي كده تفاريح
بدل ماهجننك زيي
أيوه الله
بلاش تسرح كده بعقلي
وتبعد كل ده عني
وخلي الوضع يبقي مريح
أمل أمين.
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب