بقلم سلمى المواردى
تعالىٰ يا قلبي نأخذ هُدنه
من الحب من الأماني
من الدنيا من الألوان
تعالىٰ يا قلبي هنا فـ إيدي
خليك معايا فـ كل مكان
أوع تروح لأي طريق
ترجع منهُ مكسور زعلان
أنا أمانك أنا حنانك
أنا وأنت يا قلبي
ملناش فـ الهوا
خلينا بعيد يا قلبي
واكيد هنفرح سوا
بعيد عن دنيا العاشقين
عن كلمه جارحه وفـ الجوىٰ
ترمينا يا قلبي ولا تسألشِ
ولا حتىٰ تدينا الدوا
ـــــــ هُدنه ــــــــ
هُدنه يا قلبي من العذاب
من الأحزان
م الشوق يا قلبي م القمر
من الليالي ويا السهر
هُدنه يا قلبي من الأحباب
من وهم عشناه كان سراب
تعالىٰ يا قلبي أفرجك صورنا
لما كنا زمان فـ حالنا
كان الهدؤ كل أمالنا
كنا فـ أمان
كنا فـ سلام
كانت دقاتك تملي هاديه
كانت أحلامنا فـ سمانا عاليا
كنا تملي مع الياسمين
منورين وطيبين
ومكنش الدمع مالي العين
ليه السنين يا قلبي خدتنا
وفـ الدواما دي رمتنا
وإحنا يا قلبي ع قد حالنا
نغرق يا قلبي لو دخلنا
بحر الهوا بحر الحنين
ملناش فـ جرح
ولا حِمل كَسر
ملناش نصيب ويا الهوا
ــــــــ هُدنه ــــــــ
هُدنه يا قلبي
وياريت ما نرجع
من تاني هنا
خلينا زي زمان
يا قلبي لوحدنا
وتعدي أيامنا علينا
بلا أحزان
ولا هجران
لا دموع يا قلبي ولا حتىٰ هَنا
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب