بقلم سلمى الموردى
يا إله الكون مدد
ياللي للـ مكسور سند
ياللي للضعيف مدد
جيتك أشكي ظلمتي
من عبادك ووحدتي
جيتك ودمعي علىٰ بابك
وايدي ماسحه دمعتي
ياإله الكون مدد
مد للأيام سند
يسند بقايا اللي اتوجد
علىٰ حيطان الغربه
في وسط اهله والولد
ياإله الكون مدد
ترد روحي لـ مُهجتي
وترحم صبايا اللي اتوأد
ياإله الكون مدد
ما ظلمني م الكون أحد
إلا اللي عاشوا جوه مني
واتمددوا فـ قلبي للـ الأبد
طفوا بـ إيدهم شمعتي
كسروا قلبي وفرحتي
سالت عشانهم دمعتي
وفـ النهايه مليش أحد
ياإله الكون مدد
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب