ياغُربه اترسمت
علىٰ حيطان العمر
ياغُربه وسط الدار
والأحبة والأهل
ياغُربة قلب ملان
حب ودفا وأمان
ياغُربة عمر تايه
بين شاطين حيران
هيعيش غرقان بين
أمواجك ياغُربة
ولا لـِ مَرسىٰ يوصل
لو يومين فـ زمانه
قبل ما يفوته الأوان
ياغربتي فـ قُرب كل حبيب وغالي
ياغربتي عن نفسي
ياغربتي عن قلبي
ياغُربه قتلت بسمتي بدري
ياغُربة روحي في لحظات فرحي
ياغُربة صغار تايهين بترتعش ايدهم
وكل مافيكِ يشبه الخوف
فـ ملامحهم
وما فيكِ شيئ يادنيا
يشبه برائتهم
وما فيكِ شيئ يستاهل
دمعه علىٰ خدودهم
ماشين والخطوه مش ثابته فـ اراضينا
وياترىٰ يا امان هتعدي كده علينا
وجيناكي ليه يادنيا
وليه فيكي تايهين
وليه نقابل ناس هُم لـ ناس تانيين
غربتينا يادنيا وامتىٰ
هنرجع لـ اراضينا
بقلم سلمى المواردى
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب