جاي ليه …
جاي ليه دلوقت تاني
ماخلاص الوقت فات
كل اللي بينا
يا قلب كان آسي وأناني
انتهى وبقا ذكريات …
خلي وجعك جوا قلبي
خلي جرحك مستخبي
وافتكرني
وافتكر إني اشتريت
وأنت بعت .. لما هونت
وهان عليك عمري
اللي مات …
بين ايديك
كنت بتكلم وبتعلم كأني
طفلة كانت شايفاك بعينها
عين و نيني
ومن البراءة ياما أخدت
وعمري ما أطلب
ولا أقول عايزة وهات …
دوست ليه ع السنين؟
مش سامعة منها غير آهات
حتي الأماكن كلها
بيعلا ليه نبض الآنين؟
كل ركن بتبكي فيه
كل الحاجات …
خلاص كفايا كله انتهى
خلي وجعك جوا قلبي
خلي جرحك مستخبي
وافتكر أنا اشتريت
وأنت بعت … لما هونت
وهان عليك عمري
اللي مات …
خلاص بعدنا … جاي ليه
خلي اللي بينا
عشرة … حلوة
صورة … أحلى
بس من غير كتر الكلام
اللي بينا أساسه
صار إسمه السكات …
أمل أمين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب