هعيش أعافر في الحياة
مهما يكون الموج بيعلي
لازم هيظهر لي في يوم
قارب النجاه
هفضل أنا هو أنا
مهما أقابل ناس
بوشوش متكررة
وعيون بتضحك لي
ضحكة غش ومنظرة
وفي قلبها بتداري نار
ومن وجودي متكدرة
من غير سبب ولا بسبب
مش شاغلة بالي اعرف
في ايه ياتري؟
هفضل أحن علي الصغير
واحترم برضه الكبير
ماهو مش طبيعي عشان اعيش
احسد وأحقد أو أغير
دي أحلي حاجة في دنيتي
أني اعيش صافي الضمير
لازم أكمل سكتي
عالي وانا سمو الأمير
ولا هرضي فيها الذل
ولا يوم فيها هكون اسير
وان حلمي غاب عني وتاه
مش هبكي ولا الف وراه
وافضل اعافر بالحياه
للكل أهدي محبتي
لاهلي وناسي وعزوتي
وراضية بحظي وقسمتي
ده القلب ياما شاف كتير
واقول يارب امنيتي
للكل اشوفه بألف خير
ولا احب اكون
في يوم سبب
في دمع عين
او لفظ اااااه
هعيش اعافر في الحياه
بقلمي //ميرفت امين
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب