مع ألف سلامة بودعك
ولسة ف عيني دمعك
م الهم ياما اتجرعتك
ها كسر وراكي قلة وزير
يا سنة واحد وعشرين
شوفي قد ايه مجروحين
حتى حلمي بين اديا
صعبان عليا
كان كل حاجه ليا
باكي وحزين
والدمع شلال غذير
ناس راحو ف توهة
وقلب موتور ودوخة
وصوابع م الوجع محروقة
واماني زي البيض مسلوقة
ووعود زي الدخان بتطير
وبنت موبوءة بوجع
وفكرة ممذوجة ببدع
والشعر فيكي ما عاد ينفع
نقول نقول وما حد بيسمع
مع إني شاعر كبير
وكله ف الهجايص
تسعين بالشقا مغروزين
وعشرة هايص
أنا شاعر الغلابة والشقيانين
وما حد بيا حاسس
وبليت ورميت أشعاري ف زير
مع ألف سلامة والقلب داعيلك
نفسي احضن كل محبينك
وحتى اللي موجوع وكارهينك
واللي بيحلم ب فيلا و عربيه
ونفسه يكون أمير
حلمي كان بسيط
اكون شاعر متصيط
وصوري ع الجدران والحيط
وأبيض والون البيت
وحب الناس كل ما اتمنيته
لكن يظهر إن حلمي صعب مرير
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب