الراجل
الراجل لو حب بجد
بيهد كل سد
يبعده عن حبه
بيكون اد الوعد
ولا حد يهزه
ولا يقدر يستفزه
يرجع عن حبه
بيحارب الكل
لو طول العمر
ولا عمره يمل
م دقة قلبه
ولو ضده الكل
مصمم ع رأيه
يوقف كل حد
وبصوت عالي
يدافع ويقول
أنا بحب بجد
يعيش واضح
لحبيبته يسامح
ولا يعرف يكدب
مايقدرش يوجع
يخاف يخدع
بيتقي ربه
يخاف ع حبيبته
م أي كلام جارح
مع انه صريح وواضح
بس لسانه شهد مكرر
يخاف بكلامه يعور
بيقدر حبيبته
اد المسئولية
وكلامه ميه ميه
واثق في نفسه
ده الراجل اللي بجد
بيكون اد الكلمة
بيتعامل بضمير وذمة
يخاف يظلم ولية
بيعمل حساب الغلطة
ليوقع نفسه ف ورطة
تفكيره سابق عصره
طبعه راجل ف أصله
ولو حب بجد
مابيشوفش ست
غير حبيبته
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب