مضغوط
بتعيش يومك
تخبي همومك
ومحدش شايفك
ولا حاسس
يعدي يومك
تظلمك ظروفك
والكل عليك م بعيد
باصص
يزيد وجعك
ع الوجع مليان
تفضل عايش
قلقان
ويكبر همك
يضغطك ويفضل
دايس
تصرخ م ألمك
يزيد حملك
محدش سامعك
ولا حاسس
تحس كأنك
كاتم نفسك
ولكل الهوا
حابس
تتوجع وحدك
م غير صوت
محدش شافك
ولا لاحظ
تتقلب عليك الدنيا
وكله يتغير ف ثانية
وترجع تاني بسرعة
همومك زايدة جديد
والهم تقيل وشديد
والواحد مش ناقص
تلصم حالك
تحاول تنسى
اللي جرالك
تلاقي الحظ ليك
عاكس
تحاول تصلب طولك
وترتب أمورك
ولكن أمر الله
نافذ
تعيش مضغوط
ومش مبسوط
الحظ معاك
مش راكز
تولع نار
وحدك تنهار
ف الحيط دايما
لابس
تعيش مضغوط
وكله يفوت
ولا حد بيك حاسس
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب