بأقول وبأعزف على ربابه
كلام حقيقى ماهوش خطابه
بلدى عظيمه م الناس مُهَاَبه
وحارسها جيشها من الديابه
وكل ناسها فى غاية الطيابه
بيقابلوا ضيفها بكل الرحابه
آلاف مساجد فيها وصحابه
بالوصف ليها حتطول كتابه
عشانها أغنى وأعزف ربابه
مشهوره فيها تلاقى الشهامه
و كبيره صاحبة مقام وقامه
طول تاريخها حفرت علامه
صنعت حضاره كبيره هامه
ورافعه راسها بفخر وكرامه
من جار عليها من العِدَا يامه
إيه كان نصيبهم غير الندامه
محروسه بلدى ليكى السلامه
ويارب صونها ليوم القيامه
محمد عنانى
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب