عامية
لما تعمل مُعادلة
وتلاقي البعد افضل متفكرش
لو فكرت القلب هيميل
واوقات البعد بيبق جميل
خلى الانانية ف حب الغير
ميلان قلبك مش هيفيد
خليك قريب وأنت بعيد
بدل مقتول مقطوع الوريد
فـ قرب مخليك عبد أسير
لـ فرحة ووقت دايما معدود
محسوب باليوم ومش ممدود
ونهاية متعادة فـ كل فراق
خليك جدع بقا مره وسيب
الزمن مبيتعدش ياحزين
انت اللي دايما ماشي غريب
مش ليك الدنيا ولا ليك الناس
ضيف اوقات يشلوك ع الراس
واوقات بتكون تقييييل وكفيف
عميان مش شايف قفل الايد
وعن ميلان قلبك دايما بتحيد
خليك جدع بقا مره وسيب
هتشوف الويل مهو ده المكتوب
وحيد وحزين طب إيه الجديد
بلاش تخاريف بقا ومد الايد
سرقه نسميها ولا تسول
عافية هتاخدها ومش هتطول
وهترجع تاني من الاول
تعيش نفس عذابك ال مش جديد
بتعيد اوجاعك م الاول ليه
بعد البعد ما أخدت عليه
وعارف ان القرب ملكش انت فيه
بإديك دايما تفتح فـ جراح
وتدوس عليها وتصحى اكيد
غريب يا قلب خايب
سراق وحالك مايل
اصحىٰ لو مره بجد
شوف اللي ليك وعليك
ضعفك زهقني ياشيخ
وانت بقيت شبة الضيف
يقعد شويه ويمشي
لكن ميطولشِ
وإن طالت ولا قصرت
البعد جاي اكيد
متقولش مجني عليك
وانت الجاني يابعيد
وخليك جدع بقا مره وسيب
بقلم_سلمى_المواردى
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب