أول ما عينيه مره شافوني
قال بس خلاص دي بقت ليا
واتدحلب زي التعبان
واشي ورد وطيبه وملاغيه
وانا زي الهبلة أكيد ريلت
ما أنا أصلي بدوب بالحنيه
يهريني يوماتي جناين ورد
وأنا ألملم فيهم بايديه
وبعطر الورد ياروحي سكرت
وقطم ضهري من المِطاطية
وفي عز الحوسه وانا بلملم
لمحت ورودي
في ايد واحده تانيه معديه
قومت استغربت
قولت افرد طولي كده شويه
وبعيني ببص
شوفت ورودي ماليه الدنيا
أتاريه مش سهل
قلبه ده مساكن شعبيه
قولت بلاش منه
علقه وعدت خيبه قويه
احسنهم هو الخام الطيب
اللي مايهواش إلا عينيه
وخلاص قررت مفيش غيره
هو اللي هيبقى عليا
اوم لما اخدته غشيم طيب
بقا يستكشف احوال الكون
ومعايا بحسه حقيقي مجنون
يسأل عالبيضا وعالسمرا
وبنون النسوه صبح مفتون
ولو ازعل ألاقيه متفشخر
ويعمل ال فيها خلاص شمشون
اخرتها عرفت مفيش فايده
ونبي لو (هيفا) كده في معاهم
هيحنوا ساعتها لطبق الفول
لا تقولي شقي ولا خام و غشيم
الراجل هواه الراجل
وانتي ياختي برضه وليه
بس ماتنساش أنت يا غالي
إن كيدهن برضه عظيم
أمل أمين
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب