قلبك كداب
خبط علي قلبي فتحت له
وبعت مراسيل وسمعت له
وبعد ماقلبي ارتاح أوي له
يطلع كداااب
سلم علي النظرة الخداعة
والكلمة الحلوة المتباعة
وقلوب غدارة ووقاعة
وعيني علي الأحباب
وفاكرني وراك راح
ابكى وأموت
ده الباب مفتوح
واتفضل فوت
تمثيلك كان صح ومظبوط
ولاناقصة اصدق تاني افلام
ولا طالبة عذاب
يا أبو قلب بيكدب ويحور
متلفش تاني ولا تدور
كدة أخري معاك والله ينور
ولا هعتب ولا أقولك تاني
ايه الأسباب
دي خيانتك كانت دام عيني
هتقول ايه تاني تراضيني
ابعد وياها وخليني
ويعوض ربنا علي قلبي
اللي ظلمته معاك
وفي حبك داب
قلبك كداب
بقلمى// ميرفت أمين
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب