شيكات الخيانة مدفوعة
والأجندات على آخرها
للخراب موضوعة
ويامصر مايهزك ريح
ده أنت ست الكون وكلمتك مسموعة
واحد خاين عميل مأجور
والتاني ساقط شمام بودرجي عايش ف ماخور
التعليمات جاية لهم مغلفة من كل حدب وصوب
مشفوعة بخاتم من الخليفة المزعوم
وتوابعه كتير ماتعدش
وذيوله كتير ما تشكش
عايزين يقلبوها ضلمة بس على مين
ده ياما دقت ع الرؤوس طبول
ايشي انجليز على فرنسيس على تتار على هكسوس
على تركمان
وفضلت مصر ف وشهم مدفع
وهي كلمة مقبرة الغزاة جات اعتباطا
لا والله
دي حقيقة
لأن غير كده يبقى تشكيك في القدر الإلهي المحتوم
اجعلني على خزائن الأرض
والبركة الإلهية محاوطاها من كل مكان
مش هي برضه المحروسة
وكل أعدائها متعوسة
وليلتهم سودة ومنحوسة
كان غيركم أشطر والشاطر فينه
ملايين ومليارات اندفعت من آلاف السنين
بلا مبالغة
لأنها مركز الكون ولو تمت السيطرة عليها يابخته اللي تكون من نصيبه وقسمته
ولكن نصيبها وقسمتها منها من جنودها خير أجناد الأرض
الأشخاص زائلون
وتبقى مصر في حمى الرحمن إلى يوم الدين
طه هيكل
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب