(لن أنحني) بقلم أحلام خالد

لو كنت فاكر أني مش هعرف أعيش من غيرك تبقي غلطان أنا معايا أب من قبلك كان ليا حضن وأمان ومن وقت فراقنا ما سابنيش أعاني ولو الدنيا بحالها بيعاني ف أنا ليا اهل وعزوه وأصحاب ساعدوني من جرحك أتعافي ،صدقني انا عمري ما حبيتك علاقتي بيك كانت تعود أو تعلق، بس اكتشفت أني كنت غلطانه والتعلق بغير الله مذلة ، صدقني ما زعلتش لما شوفتك مع غيري بالعكس بتمني ليك الخير وبرضه بتمني تعرف قيمتي وأنك خسرت حد غالي مستحيل تعوضه لو حتي الدنيا كلها معاك ، أنا عارفه إني غيابي هيفرق وهيأثر ويعلم جواك.

والغياب مش مقصود بيه إنك ماتشوفنيش أو حتي تكلمني

بالعكس أنا هخليك تشوفني ونتكلم عادي وهتعمد كمان أكون موجوده في حياتك بس زي الأول لأ ولا هحبك ولا هحترمك ولا هتلاقيني جمبك لما الدنيا تضيق عليك أنا كنت الأول روح وقلب وعين مابتشوفش غيرك إنما دلوقتي هكون مجرد صورة تفكرك بيا وبالايام الحلوه إللي شوفتها علي أيدي علشان بس تتحسر كل أما تشوفها ومش كره فيك علي فكره لأن إللي حب عمره مايكره كل الحكاية إني كرهت اليوم إللي جمعنا وخلاني أحبك للأسف أنا مش هعرف أكرهك أنا بس هنساك وبيا كل يوم هفكرك علشان حابه أشوفك بتتألم زي ما أنا كتير إتألمت منك ومش هتشوفني مكسورة والله.

وعدم رغبتي في الزواج من شخص آخر مش معناها إني لسه باقيه عليك وبتمني رجوعنا لأ تبقي غلطان لو فكرت فيا بالشكل ده ، والسبب هو إني شايفاهم كلهم خاينين زيك وقلبي مش لعبه ، قلبي غالي ومافيش حد يستاهله.

Post Views: 45