محتاجه لحد أسند عليه
ياخُد بإيدى فى يوم ما أقَع
ويكون جدع ..يكون معايا فى فرحي
فى الوجع
محتاجه لإيه ؟..محتاجه لحد يشدّنى
محتاجه لحد يــــاااااه من قلبه لو يعزّني
محتاجه أدُوب
محتاجه أحسّ ويّاه براحة
ويكون أمان ..ويكون نهار وقت الغروب
محتاجه لإيه
محتاجه لحد يكون سَنَد
يرُدّ غيبتى ويكون فى ضهرِي زى الأسد
يكون مَدَد ليه
يكون حنيّن..والصعب معاه يبقى ليّن
محتاجه لحد مايكونش كِمالة عدد في حياتي وخلاص
محتاجه لإيه
محتاجه لحد إن قولت سيب
يقولّي عمرى ماسيب
مايخونش -مايخذلش
ولا ظنِّي فيه فى يوم يخيب
محتاجه لحد يظهرلى فجأه ,, لو يوم يَأَسْت ويقولي انا هنا
محتاجه لحد يكونلِي حضن
اهربلُه من كل شئ في الحياه
محتاجه لإيه
محتاجه لحد يكون هنا
مايسبنيش ولو بعد مِية سنة
محتاجه لحد يكون ضهرى
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب