خطى العتبة..
تاتا خطى العتبة
وبراحة علينا وبشويش
وبلاش دوشة ..بلاش غلبة
وحنى علينا ولا تأسيش
وهاتي فرحة تحلى أيامنا
وحققى لينا أحلامنا
واللى جرحنا وظلمنا
خليه يبعد عنا وميجيش
وبراحة علينا وبشويش
رجعى للطفل براءته
ولشبابنا أصل رجولته
وللأب كرامته وهيبته
اللي بعد كلامه مفيش
ورجعى لينا زمن الإخلاص
وأرمي الصدق مابين الناس
وأزرعي في قلوبنا الإحساس
خلي الحب مابنا يعيش
براحة علينا وبشويش
نسينا الماضى بأوجاعه
نسينا اللي فاتونا وباعوا
وكفايه علي القلب ضياعه
واهدي علينا بلاش تلطيش
أيام من عمرنا بتعدي
وبتاخد منا ولا بتدي
لا تناكفي فينا ولا تعاندي
ده العمر مفهوش تحويش
وتاتا تاتا و لما تجينا
خليكى سنة حلوة علينا
ده إحنا مافينا مكفينا
وحبينا ومتزعلنيش
وبراااحة علينا بشويش
بقلمى // ميرفت أمين
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب