ملعون.. بقلم ياسمين حافظ

ملعون الصحبة الكدابة
والناس الفييك القلابة
واللي يخبط ع بابك
عشان بس محتاج حاجة
ملعون
اللي بيحور ع الناس
لابس توب الايمان والاخلاص
وهو ف حقيقته وسواس خناس
بيلعب ف عداد الف رأس

ملعون
كل صاحب عيل
وقت الشدة ساب ايده
ولا عرفت تتسند عليه
ولا حتى عليه تميل
كانت وعوده كلها مزيفة
صحبته متعبة ومقرفة
واللي كنت فاكره جدع
ف كلمته
طلع في الأخر واد عيل

ملعون
كل اللي يشوف نفسه
فاكر محدش زيه
وهو ولا يسوى حاجة
شاطر بس يتفشخر
ويطلع النقص اللي عنده

ملعون
كل ظالم عايش بينا موجود
وبجاحة زيادة ف زيادة
ولا عامل حساب رب معبود
عايش دور الطيب و المظلوم
عابد للظلم وعاشه عادة

ملعون
كل رزق يكون حرام
ولا ضحك ع العقول
بالكلام
نرمي مبادئ وأصول
عشان رزق يجيلنا
يغور
أي شيء مش حلال
يغضب ربنا ويزعله
مننا
لا وألف لاااااا
ولو حتى ع حساب
الطموح والأحلام
هنقفل الباب ف وشه
ونقوله مش عندنا
باي باي سلاااام