“ألقاب مزيفة” بقلم وسام الهندي

من أكثر الظواهر الفيس إللى للاسف الفيس بقى سبب كبير فى تداولها هى المصطلحات اللى بين الصحاب والزمايل زى (يا قمر …يا جميل …يا حبي ……الخ ) بحسه مشاعر معلبه…كلمات متصنعه تعبر عن الحب…مع أن منتهى الحب أنك تتذكر اسم إللى قدامك…منتهى الاهتمام أنك تنده إللى بتكلمه بأحب الأسماء لديه يعنى اسم دلع هو بيحبه…..لكن عشان استسهل كل ما حد اكلمه اقوله ازيك يا جميل…شكرا يا قمر….بحسها منتهى السوقيه..

دي أصلا كانت كلمات الناس بتعاكس بيها زمان البنات يعنى حاجة دون المستوى جدا …بليز ياريت نخلى مشاعرنا حقيقية اكتر من كدا ..أنا عن نفسى برفض وبقول بصراحه للى قدامى إنى ما بحبش أي جمله تتقالى بالكلمات دى …

أنا بكره المشاعر المزيفة….أرجوكم رجعونا تاني نبقى طبيعين على سجيتنا اندهونا بأسمأنا دا الاهتمام إللى ليه معنى بجد.