بقلم ✍? أحمد وسام
•بداية جديدة؟•
•2026• ✓
=
السنادي بداية جديدة
و زي غيرها قولنا احلى
بس ازاي هتبقا احلى
و كل الناس عايشاها سحله
الحياة اللي لونها بمبي
صارت سودة كمان و كَحله
مش سهله!!
انك تمشي فيها خطوة
اوام رحلك تِغرك في وحلة
وحلة الدولار و الغلاء
و الدراسة و الجواز
شكلي هشتغل رقاصه
عشان اعرف اسد ديني
جبت جاااز.،
و جبت كل احلام حياتي
حطيتها على الحيطه
في برواز..،
كدبت كدبة و صدقتها
ان في حد ذاته انجاز:
اني آخد اول خطوة
في السنة الجديدة طموح
اني اسعى و اجتهد
و ان سري لـ غيري مَا ابوح
و اني ابقى مقتنع
بان ظروفي الوحشه تروح
و بعد 12 شهر!
ابدأ اتصدم لوَهله!
و ابص الاقي بداية تانيه
و ان الحياة هتبقا احلى
بس ازاي هتبقا احلى
و كل الناس عايشاها سحله
و الحياة اللي لونها بمبي
صارت سودة كمان و كَحله…
More Stories
بعد الكذبة الأولى كل الحقيقةِ شك
كلمتين باختصار شديد عن حال البلاد والعباد في زمان مليء بالتحديات وعدم التحلي بالصبر من البعض مع التقليل من شأن البسطاء من البعض الآخر علما بأن البسطاء هم الأكثر خوفا على البلاد فليس لهم ملاذا آخر …
«عبدالناصر وحركات التحرر الوطني».. مؤتمر فكري يستعرض رؤية الشباب المصري لثورة 23 يوليو وإنجازات الزعيم جمال عبدالناصر