حوار خاص مع آيات صقر ” إخصائية التجميل والبشرة والشعر في مصر

ج/ آيات صقر
خريجه كليه آثار جامعة القاهرة

س/إزي كنتي بتحضري للموضوع التجميل والعناية بالبشرة ؟

ج/ديما كنت مهتمة جدا بمجال العناية بالبشرة
بعد الكليه اهتميت جدا بالموضوع ده جهزت سنتر صغير لبيع منتجات التجميل والعناية بالبشرة بعدها بدأت أخد كورسات في مصر وفي دبي في مجال البشرة وكيفية الحفاظ عليها وعلاجها استقريت في دبي فترة ولما رجعت مصر فتحت مركز للعناية بالبشرة والشعر في دمياط

س/كنتي متوقعة النجاح ده؟

ج/مؤمنة جدا بمقولة لكل مجتهد نصيب كنت متوقعة النجاح لأني اجتهدت وتعبت جدا ..لكن اللي مكنتش متوقعاه حب البنات فعلا ده النجاح الحقيقي

س/ما أهم أسباب نجاحك؟

ج/واثقه في ربنا ..ولما بيحصلي أي مشاكل في شغلي بحوله للطاقة تخلينى ابقا أحسن

س/ مين كان بيشجعك ؟

ج/عيلتي وأهمهم أمي تعبت معايا ولحد الآن فضهري
وجوزي كان مؤمن جدا بيا ولحد الآن بيساعدني أني أطور من نفسي .
افتكر موقف كنت في أول علاقتنا وأحنا مخطوبين كانت حصلت مشكلة في شغلي نزل من سفره مخصوص ووقف جمبي وساندني وصحابي المقربين

س/إزاي تتعاملي مع المواقف الصعبة في شغلك وهل بتتعلمي منها؟

ج/ اللي أتعلمته أني لا أثق الثقة الكاملة أترك مسافه عشان لو اللي قدامي خذلني متعبش نفسيا زي زمان

س/ ما أكتر موقف فرحك؟

ج/أن حصلت شوية مشاكل في شغلي وضغط نفسي خدت قرار أني أبعد وأسافر تاني وعرفت الناس قراري
لقيت الناس كلها بتمنعني وأكتر مقولة أثرت فيا مش من حقك تمشي من حياتنا كده
حب الناس والبنات ليا شجعني رسايلهم وأتصالهم وقتها فرحني جدا رجعت عن قراري

س/ ما النصيحة اللي تقدميها لكل بنت عندها طموح وحلم؟

ج/ أوعي أي حاجه توقفك عن حلمك وطموحك اختاري صح اختاري الأصدقاء الصح لأن الأصدقاء الحقيقين كنوز .