“معنديش طاقة” بقلم منى زرزور

لما تلاقي شخص كان لطيف و صبور و متحمل و فجأة أتغير بقى عصبي و خلقه ضيق !
أو بينسحب بسرعة من النقاشات
أو أستبيع وظهرله أنياب فجاة
متقولوش إنتَ أتغيرت ..
متستفزوش أكثر لأن هو غالباً مش هيوصل للمرحلة دى إلا بعد ما يكون أستنفذ كل طاقته في الجدال والمسايرة و الصبر  وخلاص تعب..
ما ينفعش تديله الطاقة اللي يجادل و يتحمل ، و يرسم على وشه إبتسامة ويتعامل مع كل المحيط بيه بمنتهى الإريحية ورحابة الصدر ..!

قبل ما تقول لشخص ” أنت أتغيرت “
شوف إيه الظروف اللي حواليه اللى وصلته لكده ..

شوف كام مرة هو كان فيها لطيف و كويس و صبور و مهذب في أسلوبه مع الكل ..

لٰكن ببساطة بطاريته فضيت ..!