الحمار “فكرة فيسبوكية” مسرحية ذات فصل واحد

الأشخاص
أبو محمد
عم كوهين
أم محمد
شيخ المسجد
الحيوانات ( حمار)
المشهد الأول
أبو محمد ومعه الحمار
أبو محمد: ياعم كوهين ياعم كوهين
من الداخل أيوه ياأبو محمد خير
أبو محمد : عايز أبيت الحمار عندك
عم كوهين : الزريبه مليانه سيبه على باب البيت
أبو محمد: عندك حبل
عم كوهين : اعمل انك بتربطه وسيبه وروح
يقوم أبو محمد بلفعل ويعمل بأنه ربط الحمار

المشهد الثانى فى المنزل

أم محمد؛ مالك ياأبو محمد قلقان ليه بقينا نص الليل ومانمتش
أبو محمد ؛ اصلى سايب الحمار قدام بيت عم كوهين من غير حبل وقاللى اعمل انك بتربطه وروح
أم محمد : خلاص سيبها على الله والصبح بأذن الله هاتلاقيه نام بقى علشان تقدر تصحينا نصلى الفجر أنا والعيال مش عايزين حد ينقص مننا فى الجنه
أبو محمد : حاضر تصبحى على خير
أم محمد: وانت من أهل الخير

المشهد الثالث فى المسجد
شيخ المسجد السلام عليكم انتم عارفين يا اخونا أن كل يوم بقولكم على نصيحة ونصيحة اليوم عن الأمانه الأمانه يا اخونا كنز لا يفنى يعنى لو حد أأتمنك على سر ما تفضحهوش ما تقلو ش لحد لو حد ساب أمانه عندك حافظ عليها وطنك أمانه ألامانه سر النجاح ربنا يهديكم ويهدينا توكلوا على الله
المشهد الاخير فى طريقه لبيت عم كوهين محدثا نفسه
هو انا ناقصك ياعم الشيخ تكلمنى عن الامانه انا سيبت الحمار قدام بيت عم كوهين طب لو ضاع هاقوله ايه الناس هاتقول ماانت سببت الحمار من غير ما تربطه هههههه الحمار واقف اهوه
شي حا شى حا مناديا لعم كوهين
ياعم كوهين ياعم كوهين
عم كوهين : ايوه يا ابو محمد
ابو محمد: الحمار مش عايز يتحرك
عم كوهين : فك الرباط
ابو محمد : هو انا كنت ربطته
عم كوهين: انت مش عملت انك بتربطه فك الرباط
ابو محمد : حاضر ويهم بفك الرباط شي حا يتحرك الحمار ويسير مع ابو محمد
أبو محمد محدثا نفسه باه ده صحيح انا عملت أنى ربطته يبقى كان لازم أفكه أما انا طلعت حمار بصحيح ها ها ها ها
ستار