شريك الحياة.. الراجل لما يفكر في الجواز

حضرت أفراح كتير ونفسك أتفتحت علي الجواز ولا أنت رأيك أيه؟

.. اه يا حبيبي.. .. تتجوز، إلا تتجوز.. دا الجواز دا أحلى حاجه في الدنيا ترجع البيت تلاقيه متروق وهادي
.. الله ومراتك مستنياك ومحضرالك أكل لذيذ
. . يا عيني
.. وتقولك نورت بيتك يا حبيبي
.. يا سلااام.. وإيه كمان
.. أقولك إيه ولا إيه
وفجأه… لاااا مش قادر أكذب أكتر من كدا

دا السراب اللي خدعونا بيه دا الحلم اللي في خيالنا إحنا بيقوعونا بيه
..
اهدي صل علي النبي دا أنا بس بفكرك أومال لو بقولك فرحك بكره هتعمل فيا إيه
.. أوعي يا صاحبي لا يمكن أسيبك تنخدع لغاية ما تدخل القفص وبرجليك

وحياتك بعد ماكانت رسايل وحشتني وبحبك وأنت حب عمري تلاقيها ما تنساش العيش، وأنت جاي أعمل حسابك تيجي بدري عشان رايحين نزور بنت عمتي اللي ولدت وهيستريا
وأنا مالي ب اللي ولدت ومالي بالبيبي طالع لمين ما يطلع للي يطلعله وصريخ
..
يطلع للي يطلعله أهدي إمشي يا بيبي إمشي يا بيبي إهدي إهدي..

.. خلاااص فاض بيا..
.. خد كيس الزباله هات كيلو بصل
.. أنا أشيل زباله وأشتري بصل
.. معلش.. ما هي برضو عشان تتوضبلك وتبسطك بعد كدا
.. بعد كدا ما هو دا السرااااب… أهو كلنا بنتعب عشان نستني اللحظه دي ونستني ونستني وبعدين تلاقي.. مرحله الوحش كائن غريب معرفهوش بيزقك ويقولك وسع أما أفرد جتتي من الوقفه طول اليوم و مع أول كلمه ملاطفه تيجي تقولها تلاقي سيل من الصريخ والكائن اللي متعرفوش دا بيقولك أنت يا أخي ما بتحسش دا ماما قالت.. دا أبوك.. دا خالتي.. واللحظه اللي كنت بتتمناها تتحول لماتش مين فينا الغلطان
.. وفجأه تلاقي سيل دموع وإتهامات وتحس إنك صهيوني وقع في إيد مناضلين من بتوع قضية فلسطين و…

.. بس بس على اليوم اللي قلت فيه اني عايز أتجوز باظت الصوره اللي في خيالي..
بس لا مش هستسلم.. هتتجوز وهتظبط حياتك أنت وشريكة حياتك عشان نحب نفسنا ونسعد روحنا ونستمتع بالنعمه اللي ربنا إدهالنا..
.. قالوها كتير قبلك ووقعوا في الخيه.. بس ليه لأ..
أنت الأمل أنت اللي هتعمل اللي مقدروش عليه غيرك..

هتجوز.. بس ماليش دعوه ببنت عمتك إبنها طالع لمين وأساعدك أه.. بس نكد آخر اليوم لأ..
تعيدي وتزيدي ف نفس المواضيع لأ
ولا نضيع حياتنا في سيره عيلاتنا لأ
..
بس متنساش تاخد كيس الزبالة وأنت ماشي..
.. لاااااااا