مبادرة جديدة لمواجهة جشع التجار باسم كورونا

أحمد ندا

أطلق الدكتور مينا فهيم الصيدلاني المصري الشاب مبادرة جديدة بعنوان “كفاية ابتزاز باسم كورونا” وذلك لدعم الدولة المصرية في مواجهة فيروس كورونا ومنع ابتزاز بعض أصحاب المصالح للشعب المصري باسم هذا الفيروس.

وعن تفاصيل هذه المبادرة، قال مينا فهيم في بيانه التأسيسي: “أثناء كل حرب في تاريخ البشرية ناس بتبقى فجأة مليارديرات وبيكونوا هم في الغالب اللي ولعوا الحرب دي من بدايتها، وهو نفس اللي حصل لما اتقال أن كورونا دخل مصر،، مافيا في الكمامات ومافيا في الجوانتيات ومافيا في الكحول ومافيا في أدوية الفيتامينات”.

وأضاف في بيانه: ” وعلى ذلك أعلن أنا د مينا فهيم الدكتور الصيدلي إطلاقي مبادرة ” كفاية ابتزاز باسم كورونا” وأدعو كل صيادلة مصر المحترمين وأصحاب مصانع الأدوية ومصانع انتاج المستلزمات الطبية للانضمام للمبادرة والتعهد بعدم المشاركة في ابتزاز المواطنين من خلال بيع منتجات مواجهة فيروس كورونا بأسعار خيالية من أجل الربح السريع الربح الحرام الربح القذر .. وأطالبهم يحطوا ايدهم في أيدي وفي ايد الشعب المصري لمواجهة هذا الفيروس وتوفير كل ما يحتاجه المواطنين بأقل سعر وأفضل منتج”.

واختتم الدكتور مينا فهيم بيانه قائلا: “حكومتنا عملت اللي عليها مع الشعب .. دلوقتي ده دورنا يا أطباء وصيادلة ورجال أعمال مصر .. اكتبوا اسمك في التاريخ وافتكروا أن الورق اللي بيتعمل منه الفلوس بيتعمل منه ورق التواليت .. الكفن مالوش جيوب يا مبتزي الشعب المصري العظيم”.

Post Views: 177