خالد كامل يكتب “كلام في العضم” … يامحاسن الصدف

طول عمرنا من ساعة ما إتولدنا لما نيجي نشوف الناس اللي بنحبها من غير ميعاد محدد سابقا بنقول ساعتها (يامحاسن الصدف)
و#الصدفة،،،، في حد ذاتها بتكون مرتبطة جوانا بإحساسنا اللي بيتحرك تجاه هؤلاء الناس اللي قبلناهم كلا حسب جنسه رجلا كان أم أنثي كما أن الصدفة برضة ليها أنواع، فمن الممكن تحصل لما تقابل إنسان لابس نفس لبسك بالضبط أو تقابل حد بيفكر في نفس الموضوع أو نفس الفكرة اللي بتكون انت بتفكر فيها في ذات التوقيت، فتسمى في تلك اللحظة (توارد خواطر)
والصدفة ربنا سبحانه وتعالي اوجدها بين البشر علشان تكون حاجة حلوة بينهم لجلب السعادة والفرح فيما بينهم، والصدفة ممكن تكون سبيل للتغير والتبديل
لحياتنا (التعيسة والكئيبة والمملة)
فلك ان تتخيل بأنك عاطل وتلاقي إعلان بالصدفة منشور بجورنال يكون سببا في تجديد الأمل جواك وتحصل مقابلة شخصية ليك من صاحب العمل فتستلم شغل ولما تشتغل يصبح لك كيانا وقيمة في المجتمع .
والصدفة ممن تيجي مرة واحدة في العمر وممكن انها تتكرر كتير في حياتنا، اللهم انعم علينا (بمحاسن الصدف) التي تأتينا من السماء واجعلها مصدر من مصادر السعادة في حياتنا، اللهم كن معنا ولاتكن علينا واختم علينا بخاتمة السعادة اجمعين أمين أمين، يارب العالمين .