بدموعي أواسيكم يا أهل مصر بقلم هناء محمود

لكن مش قادرة أكتم نار الغضب جوايا وأخبى
ومهما كان أنا مش بخاف غير من ربى
أصل الحكاية يا مصريين إننا مستهدفين
وربنا من رحمته بينا فى رسالة لينا
يا مصريين ” خذوا حذركم ” فلطفك بنا يا ربى
واكفنا كل عدو و شر مستخبى
بدموعى أواسيكم يا أهل مصر وأبكى
على حوادث وصدمات وكوارث
وأنا حايرة فى دربى
لكن وحياة دم الشهدا دمهم ما هيروح هدر وحق ربى
ودمارهم قريب وهاعلن عليهم حربى
وانتم معايا يامصرييين ياللا تعالوا على فين رايحين ؟؟؟
وسايبين الخاين عايش بيننا
فرحان بيغدر ومستخبى
يا أهل مصر لحد إمتى هنفضل ساكتين ؟؟؟!!
يا أهل مصر لحد إمتى هنفضل متفرقين؟؟؟؟؟؟
سايبين الأمور العظيمة وبالتفاهات مهتمين
وناس شايلة الهم وبالقلق نايمين صاحيين
من حبهم فى الناس والخير والوطن عايشين مكتئبين
وناس غارقانة فى الخمر والنسوان العريانة وبتحصد الملايين
وناس فى الفقر والديون غرقانة علشان ملاليم ومش لاقيين
وناس بتلبس هدوم بالآلاف وناس مش لاقية وبيناموا عريانين
وناس ظروفها صعبة وساكتين
وعلى حالهم صابرين وراضيين
لا غلطوا فى حاكمهم ولا سفهوا شيوخهم وعايشين مستعففين
لحد إمتى يا مصريين نشوف الغلط والحرام ونفضل عليه ساكتين ؟؟!!!! والخونة والمفسدين والظالمين متبلطجين
بيزيدوا طغيان وفجر ونسكت علشان خايفين
لا مش بنخاف إحنا المصريين الأصليين
فينا المروءة والشهامة من ملايين السنين
لازم يا مصريين نفوق ونقوى ونكون متجمعين
ونقول بكل قوتنا للإرهابيين
يا جبناء يا أندال يا خاينين
هندعوا عليكم فى صلاتنا لرب العالمين
وندعوا رجالنا ونساءنا ونبتهل ونجعل لعنة الله على الظالمين
ونكون على قلب رجل واحد إحنا المصريين
إيد واحدة مسلمين ومسيحيين
و هنفضل بالحب والخير والسلام متجمعين
أصرخوا معايا يا مصريين
أخرج يا إرهابى يا جبان
وإبعد عنا ما لك بيننا مكان
ولا فى يوم هنصدقك ونديك الأمان
ولا قلوبنا هتصفى لغدرك
مهما طالت السنين ومر الزمان
وهندعى عليك الملك الديان
ينتقم لنا منك ويكشف لنا غدرك
وكل اللى خبيته عنا
وعملته جرحنا وبكانا ووجعنا
كله فى يوم هيبان
أخرج يا جبان من بلدنا
مصر أم الدنيا وأم الأوطان
مصر بلد الأمن والأمان
مصر مهد الحضارة والأديان
هنحميها بأرواحنا ونرويها بدماءنا
هنبنيها بولادنا وبعرقنا وكفاحنا
ونستعوض ربنا فى شهدائنا
من الشعب والشرطة والجيش
ودماهم الزكية هتعطر وتغلى ترابنا
رغم أنفك يا خسيس ياللى
عاوزنا نبيع لك الغالى بالرخيص
والله ما هيحصل ولا هنبيع مصر وطننا
ولا بكنوز الدنيا حتى لو اتعثرنا وجوعنا
حتى لو هنضحى بولادنا
ويزيد كل يوم شهدائنا
وتكتر أوجاعنا وآلامنا
وتزيد وتلتهب جروحنا
ولو هتبكى كل يوم عيوننا
وهندعى عليكم على مر سنيننا
ياااااارب يا عالم بحالنا
إنتقم لنا من اللى خدعنا وظلمنا
وإمسح بحنانك آهاتنااااو دموعنا
و بكل خير وسعادة عوضنا
وبحنانك وقدرتك إسعد قلوبنا
واجمع شملنا إحنا المصريين
مسلمين ومسيحين وقوى إجتماعنا
وزيد وحدتنا واحفظ لنا مصر وطننا