بقلم عمر أحمد عبد العزيز
الرجولة مش بالمعاكسة ولا بالتحرش ولا بالندالة الرجولة كلمة متتقلش إلا على الرجالة والرجالة ميخوفوش البنات ولا يستبيحوا الأعراض .
الرجالة يحموا ويصونوا مش يفجروا ويخونوا الرجالة يحسو بنات الناس اخواتهم وولادهم ومحدش يرضى على أهله المهانة غير كدة ميبقوش رجالة أصل الحكاية مش بالقوة ولا بالدقن ولا بالعضلات و لا بالصوت دي مجرد شكليات الحكاية حكاية نخوة ومبدأ وكرامة .
أصل بنات الناس مش لعبة نلعب بيها ولا جماد شوفوا جدودنا زمان كانوا هيبة وجدعان كان الراجل منهم يمشي زي السبع بس في حاله كمان مهو جيلهم مترباش على النت و العفرتة والجنان ده جيل اتربى على الأصول والحكمة وأن البنت شيء غالي وعالي وال يمسها شخص خسيس و جبان فياريت نصحى ونفوق قبل فوات الأوان ونعرف أن الرجولة أدب وأحترام.
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب