فاكرين جيل الجدعان

شعر عمر أحمد عبد العزيز

فاكرين جيل الجدعان الجيل الشهم الطيب بتاع زمان
الجيل القوي بصحيح الجيل العفي اللي مكنش يهزه أي ريح
جيل زمان كان جيل عظيم كان جيل صريح كان جيل مريح كان جيل بيحب بعضه كان جيل بيحب أرضه كان جيل غيور على عرضه كانوا ساعتها الرجالة في بلدنا أوتاد وشداد
كانوا بيشتغلوا وبيبنوا وبيعمروا وبيحموا من سكات أما البنات فكان جمالهم في خجلهم يتكتب فيه ألف رواية
كانوا جواهر مستحية ومدارية عن عيون الناس حتى وهما في وسط كل الناس
نيجي بقى للعيال اللي مكنوش مجرد شوية عيال دول كانوا ناس كبار عقولهم توزن بلد كان ممكن تلاقي منهم عيل لأهله ضل وراحة و سند بس للأسف يا بلد الأيام مرت زي ما كل شيء بيمر و الحال بقى غير الحال وأصبح كل شيء مر صحيح أتمدنا صحيح أتعلمنا بس يفيد بايه والضمير مش أساس عند الكل والموضة لبس مقطع ومرقع وصياعة والبشر في منهم بضاعة
أحنا خسرنا أكتر ما كسبنا والدليل على كدة مشاكلنا اللي مبتخلصش و أهو دة أخرة اللي يفرط في توب جيل الجدعان الجيل الشهم الطيب بتاع زمان .