من ديوان/روح الحياة
..وحشتينى……. وحشنى
كلامك المرجان
..يا نور عينى، وعزى
من الدفا ألوان
..وحشنى بشوق …دفا
روحك
..وحشنى الضوء فى نور
طيفك
..حبيبتى ياأمى ياغاليه،
وجنه ف السما عاليه
..أيديكى الحلوه وأمانها،
بااشم ريحتها فى حنانها
..يدفينى حنان قلبك،
وكل مافيه بيحبك
..تركتى لى الفؤاد دايب
ماهوانتى الحاضرالغايب
..يانن عنيه وضياها،
ياروح النفس ودواها
.وحشنى غناكى ف ودانى
يا نور الصبح وأدانى
…وزاد الدمع ف عنيه ،
عشان قربك خلا بيه
..بقيتى هناك بعيد عنى
وطعم الفرح خاصمنى
..وبااستناكى فى منامى،
يضمك حضنى وسلامى
..ياأمى ياحلوة الحلوات،
مصدقتش أوانك فات
..وجنه خسرتها بدرى،
ولافارقك فى يوم فكرى
..يا حلو الدنيا يا أمى ،
وفردوسى وربيع عمرى…
..وحشتينى …وحشتينى

More Stories
مذكرات شخصية قصة قصيرة /لطيفة محمد حسيب القاضي
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب