يا كل سفراء السلام بقلم كريمة أبو النجا

يا كل سفراء السلام
بعد التحية والسلام
عندى كلمة متوجه من
طفل عوده اخضر
عايش فى موجة
من الظلام
وسط الدمار
مع أن كل حلمه
بس أنه يحيا بالسلام
فى حضن أمه ويحس
الأمان
دا رسالة منه
هدفها مش بس الكلام
ولا عايزة منكم تحية
ولا حتى تعظيم سلام
أنا عايزة صوته يوصل
وحلمه يبقى حقيقة
ويحس الأمان
كفانا دمع وحزن وغربة
وألم كفانا حسرة
سكنة قلوبنا
من زمان
الحق حق وحقه
يحيا فى أمان
حقه علينا فى حضن
بلده يحس السلام.
ونشيل الخوف
من قلبه ووسط خضار
الأرض يلعب وجوا منه
حلم بكرة يكبر
ومكان الظلمة يزرع
عمدان إنارة
تضى الكون
ويمحى كل علامة
للظلام
يا كل سفراء السلام