قالوا علينا ما بنسمعش …. وكمان قالوا مابنتكلمش
مايعرفوش إيه جوانا … ايه إللى شاغلنا وبيه بنحس
قالوا عاجزين ومش عارفين … نعمل حاجه وكده تايهين
ظلمونا وخلوا عالمنا … عالم يسأل الخير فين
عطف وشفقة بصيتوا لينا … حسستونا إن العيب فينا
ده احنا همومنا هيه همومكو . وعشان كده بالحب أهو جينا
إذا كنا يا ناس مابنتكلمش… وصعب علينا نكون سامعين
بالقلب نقدر بيكو نحس …. ونتكلم ونكون سامعين
قلوبنا هيه سمعنا …. هيه كلامنا و حبنا
بيها ليكوا قربنا …. وبيها انتو فى قلبنا
نقدر نسمع أه ونتكلم …. وكمان بنفهم وبنتعلم
لينا تاريخنا وإنجازتنا…. وعمرنا أبدا مانسلم
هاتوا إيديكوا فى إيدنا وياللا …. بيكو وبينا نبنى بلدنا
والخير يُعم علينا إن شالله… ويرجع بينا تاريخ أجدادنا

More Stories
مذكرات شخصية قصة قصيرة /لطيفة محمد حسيب القاضي
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب