إلى أصحاب قضية الفيرومونت العشوائيين
(( يا ناس فوقوا و ربوا عيالكم !! ربوا عيالكم ليه عيال في سن ١٥ سنه تشرب خمرة !!! ليه بنات تصاحب و تروح تقضي اليوم في بيت صاحبها !! ليه العيال معاها فلوس بالالفات لدرجة أنهم في السن ده خروجتهم يتغدوا في أفخم المطاعم المخصصة لرجال الأعمال ليه بنات تعمل عيد ميلادها ١٦ سنه كأنه فرحها !! ليه نعلم ولادنا أن كل شيء مباح و أن الفلوس ملهاش قيمة !! ليه من سن ١٥ سنة البنت تلبس من أفخم البرنتات، دلوقتي !!! طيب أيه اللي هبسطهم لما يكبروا ؟؟؟ ليه نطلع جيل بيقيم أصحابه علي حسب عندهم فلوس قد ايه !!!! وبعد ما يكبروا بيبحثوا عن الشئ المشين لفعله وللأسف تلك التربية في المجتمع الشرقي فقط يفعلون تلك الأفعال إعتقادا بتقليدهم للمجتمع الغربي لكن المجتمع الغربي مختلف تماما فهم يربوا أبنائهم على تحمل المسؤولية والتقنيين في إعطاء المال والتقيد بالترفيه بشئ واحد فقط فمثلا إذا خرجوا راحوا السينما مينفعش ياكلوا بره علشان ميصرفوش كتير … لكن في نفس الوقت بيصرفوا آلاف علي رياضة و تمارين و كورسات ، المسألة كلها هي ثقافة أولويات … انا فعلا مصدومة من حجم المنظره اللي الجيل ده هيتربي عليها، إحنا مكناش كده ))
وحقيقى فعلا كان فيه عرى بس فيه رقى
وحقيقى كان فيه خروج بس مكنش فيه إسفاف
وحقيقى مكنش فيه حجاب منتشر بس كان فيه إلتزام
وحقيقى كان فيه ماركات بس للشياكة مش للمنظرة لمن يقدر
كان فيه خروجات بس من غير بذاءات
كان العيب عيب مش حاجة عادى
أنا شايفة أن إنعدام الأخلاق والنخوة أصبحت سمة العصر وأن ما حدث في قضية الفيرومونت ما هو إلا نتاج سوء التربية والخلق أناس نشأت على الفوضى والهمجية والحياة الحيوانية الفوضوية ماذا يجنون بعد ذلك إنها ثمار الخسة والندالة والإنحلال الأخلاقي ،مجموعة من الشباب إعتادوا على الحياة البهيمية التى بالنسبة لهم تطور و رقي وحرية ومتعة فقط يذهبون عقولهم بأثمن الخمور ويرتكبون أبغض الفواحش ،ثم ماذا يجنون بعد ذلك إلا حصاد ما زرعوا ،ربوا أولادكم صح وعلموهم معنى القرش الحلال والعيب والحرام وعينيهم مليانة ومش محتاجين يبينوا ماركة مايوهاتهم عشان يبانوا أنهم ولاد ناس … لأنهم أصلا أولاد أصول
واقضوا معهم جزء من وقتكم ،عمر الفلوس ما تخلق بني أدم محترم خلوق،وهذه نهاية كل شاب أو فتاة تفعل الفاحشة تحت إطار الحرية والمدنية، كفى إهمال وربوا أولادكم اتركوا لهم أخلاق وسيرة حسنة أفضل بكثير من أموال وسيرة رثة.
More Stories
قصة قصيرة…
تميزتِ في هذه المرحلة وبتقديم بورتريهات إنسانية فريدة تجمع بين الأحياء وأحبائهم الذين رحلوا عن عالمنا
التسمم الغذائي وترندات التنحيف السريعة…تحذيرات ونصائح من خبيرة التغذية جويس أبو عني!