هانقرأ المقال وهانعرف إن فيه شخص لازم نرسله المقال ده ونقوله شكراً حياتي أتغيرت بيك
الكلام ده لازم يتقال بالعاميه عشان نحس بسهوله كل كلمه فيه وتوصل المعلومه لقلوبكم وعقولكم بسهوله
بدايه الحكايه إني كنت ماشيه في سوق للتحف القديمه الأثريه في احدي الدول ..أنا بحب وبعشق التحف جداً بحس فيها بسنين مرت ومر عليها ناس وأجيال
التحف يراها البعض كئيبه وقديمه وأراها أنا بنظره أخرى نظرة الأصاله والعراقة …
كئابة التحف تجعل الكل ينبهر بالجديد أما من يعرف قيمتها فيعشق إقتنائها وبداخله يعرف كيف يغير منها ويظهر جمالها
المهم لملمت بعضاً منها وبدأت أنظف فيها وأضعها في أنحاء المنزل لأزينه
التحف شكلها أتغير ومحدش صدق أنها القديمه اللي محدش بيحب يشتريها
ليه كل الرغي ده ؟ وليه بتكلم عن التحف هاقولكم ليه!
لما سرحت في التحف ومنظرها الجميل وكانت في السوق بهتانه مليانه غبار،،،،قلت! لو التاجر تعب نفسه شويه وأهتم أنه ينظفها كان باعها بأضعاف ثمنها .
التاجر معرفش قيمتها لأنه عايز فلوس بس مبصش للقيمه المعنويه هو عنده الماده أهم..
إفتكرت حياتنا وإن فيه في حياتنا علاقات مرهقه ومتعبه بنعيش فيها بدون تقدير ولا قيمه .
العلاقات دي بتنعكس علي شكلنا بنكون عاملين زي التحف علينا غبار أو غمامة.
ممكن نقول فرهده من المناهده مع حد مش شايف غير نفسه ولا سامع غير صوته .
وديماً بنضطر نوضح ونبرر كل تصرف بنعمله وعلي طول إحنا غلط وديما فيه لوم علينا مهما عملنا،، وفي النهايه إحنا اللي غدارين وخونه
والغريبه إن التحفه إللي كانت مع التاجر وشكلها عادي ويمكن يكون قمئ هيا نفسها التحفه إللي أنا أشتريتها وأظهرت جمالها ..هيا هيا العلاقه بين أي اتنين انتي مع شخص متعب ومرهق وتعبان في حياته مادياً أو معنوياً وبيطلع التعب ده عليكي نكد وإسقاط فشله عليكي
وأتغير الوضع وبقيتي مع شخص غير حياتك للأحسن طور منك أضاف ليكي زود من قدراتك شال الغبار من عليكي والأكتر من كده بيلتمس ليكي الإعذار ديما وبيستحملك .
صدقوني الناس دي متتعوضش ولازم نصونهم ونحافظ عليهم .
سيبوا العلاقات المرهقه ليكم هاتمرضوا وهاتتكسروا وهتلاقوا إللي يقدركم ويغير حياتكم
وراجعوا نفسكم كويس اوي قبل ما تبدأوا في أي علاقه عشان متتعبوش انا عارفه هارسلها لمن ؟؟؟؟ أنتوا بقي يا تري هاترسلوها لمين؟
More Stories
حين يحن القلب إلى الله
بروتوكول تعاون بين الاتحاد الأفروآسيوي وموقعي أخبار مصر العروبة وموقع الحياة نيوز
منجز للاستشارات القانونية والمالية ..تاريخ من الثقة والانجازات