( خواطر زمان )
من دفاتر قديمة
ياحب
متستناش آمن تانى بوجودك
ده رسمك عكس مرصودك
ماعدش النبع جوايا
يفجر حب
بقى يشلب بدال الطعنه
100 آااااه
ومهما جراحه تضمد
لا يمكن تلتئم تانى
وبارت أرضه من ظلمك
وبان الشق ف جدارى
كطاقه بس مسدوده
بأحلك ظلمه ف وجودى
طوفانه كان بغير رحمه
دفعنى لأعلى درجاتك
وقاللى الدنيا مرهونه
بنبض إشاره من صابعك
وعشت ف ملكه متهنن
مافيش ف عيونى
غير صورته
وننى العين مالوش لازمه
مع وجوده
حضنت الصوره برموشى
وخفت عليها م النسمه
لدرجة إن دقاتى
ف نبض القلب من جوه
حروف اسمك
مؤشر يرفع النبضه
تدق بنغمه مسموعه
وصوتك دم ف عروقى
بيسرى ف كل اوصالى
رقيق الدفء ف مشاعرى
بلمسة همس من ايده
وقلب القلب من جوه
بقى طاير
جناحه وفاء مع إخلاص
مالوش آخر
وخدنى معاه علا بيا
لفوق الضي وشويه
وكان صفيان وله شفافيه
و مش ممكن تشوفها تقول
دى موجوده
وراها حدود
مالوش آخر
وراها وجود
بيتاخر
يخدنا ف القريب منه
ف ضل الشجره صفصافه
بعيد عن شمس عزالنا
يناجينى نقول ونذيد
ولا نسكت
نعيد القصه 100 مره
بشكل جديد وهمس جديد
بدون مانمل من القصة
ولا مره
حايلنى كتير وأنا مخاصمه
وكان صلحه شقاوه
كنت باعشقها
طاوعنى الشعر ف جماله
وصفت الضى بدلاله
وفجأه كل ده اتبدل
وخانى بأقصى ماعنده
بأقصى ماعنده
من قوه
وباع
مانش خسران
لكن هوه
وقع من عينى
ف الهوه
خسرته بس
مش ندمان
لا يمكن
يتوصف إنسان
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب