مع كل مرة حد بــ يدخل حياتك ويخرج منها بياخد حته من روحك وتخسر معاها حته من نفسك ومرة مع مرة بتخسر كل حاجة بمعنى أدق تعبير بــ تخسر حياتك…!
محدش بيحس وهو ماشي من حياتك انه اخد حته منك معاه علشان ببساطة هو محسش أنك كنت مأمن ليه فمنحته روحك وقلبك بصدق كامل مكنتش مستني منه حاجة غير الأمان….!
ولما باعك كسر حته في قلبك وروحك واخدها معاه بمنتهى الأنانية من غير ما يفكر في الوجع اللي سببه ليك سابك تنزف حبك بوجع حتى الرحمة داس عليها وهو بيقتلك….!
ناس كتير مش بــ تحس وتفهم يعني إيه عايش (ميت حي) وانت روحك متاخده منك وقلبك ميت جواك علشان كنت طيب علشان بتصدق كلامهم من غير ما تخون حد…!
مش كل الوجع بيبان على الناس دي ولا كل جرح بتشوف نزيفه عليهم علشان الحاجات دي بتبقى من جوه… من جواهم بيتوجعوا اوووي ومتحرم عليهم حتى يصرخوا فبتشوفهم عادي مبسوطين بيضحكوا بس من جواهم مدبوحين….!
للأسف الحياة بتفرض على الناس دي تعيش كدة وش من بره بيضحك ووش جواهم مكسور، ناس كتير حوالينا عايشين كدة فمتاخدش الناس بالظاهر علشان ربنا يكفيك شر الباطن،
ودائماً اتعامل مع الناس زي ما تحب تتعامل …!!!!
More Stories
في مؤتمر طبي للرعاية المركزة لأمراض الصدر يعقد بالقاهرة الإعلان عن انتهاء عصر أجهزة التنفس الصناعي التقليدي وعصر ” الأنبوب الحنجري “
المستشار شريف الجعار مسيرة قانونية حافلة بالدفاع عن الحقوق وريادة اتحاد المستأجرين
رجل الأعمال أحمد المحمدي رئيس شركة الصخرة للحراسات ينعي ببالغ الأسى ضحايا حادث الدواويس الأليم ويقدم خالص التعازي والمواساة لأسرهم”