من ديوان/ أنفاس الحياة
..هيه حاله بس غامضه ،
حاله ظهرت زى ومضه.
..بس كان مودى غريب ،
نفسى فيها الروح تطيب.
..شفت حالتى، حاله طارئه ،
جات معايا فى لحظه فارقه،
…تسدل الأحلام ستاير ،
ع السكون اللى صايبنى
… زى بنوته بجدايل
والأمانى بشوق تاخدنى
…كل عقده بصدق جامده ،
فجأه تنحل الضفاير
..والنفس طابق فى صدرى ،
نفسى نسمه وابقى طاير
فوق جبين الخد الابيض
فى عيون الليل وأكتر
واكتب الحرف ف رسايل
وازرعه على شط قلبى
سرب أبيض م الحمايم
واركب البحر وبراحه
واطلق العند وسراحه
..نفسى اشم فى روحى
دفعه تسرج الأنوار عماير
بس لحظه زى ومضه
……زى ومضه…..
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب