كده غلط يا چو …. كله إلا الأنبياء، و الكلام ده يعمل فتنة و ضعاف النفوس و إللى بيصطادوا فى المية العكرة كتير ، الموضوع ده خط أحمر و ممكن يقلب بسواد غامق و يجرنا للمكان إلى دايما بنطلب نبعد عنه لأنه مكان ملعون و كله خطورة وعواقبه لا يعلمها الا الله، و الناس كلها إلا من رحم ربي سواء هنا أو هنا طبعا رافضين كده ، و تقريبا انتا لسة صغير يا چو متعرفش مين هما المصريين المسيحيين قبل المسلمين و أزاي عايشين مع بعض على المرة و الحلوة و ياما عدى عليهم كتير ….
فبالله عليك يا چو متحطش تراب على وش طبق الرز باللبن ، و هيا مش نقصاك تعكر صفو الجو إللى بنتنفسه كلنا و أبعد عن الشر و غنيله، و ده كله فضلا و ليس أمراً و أخاف أن الموضوع يعكس و تبدأ بفعل أمر و تكون أنتا المفعول به فى الجملة …
نهدى شوية و نضبط نفسنا لأننا هنفضل أخوات فى البيت الكبير …. مصر .
More Stories
في مؤتمر طبي للرعاية المركزة لأمراض الصدر يعقد بالقاهرة الإعلان عن انتهاء عصر أجهزة التنفس الصناعي التقليدي وعصر ” الأنبوب الحنجري “
المستشار شريف الجعار مسيرة قانونية حافلة بالدفاع عن الحقوق وريادة اتحاد المستأجرين
رجل الأعمال أحمد المحمدي رئيس شركة الصخرة للحراسات ينعي ببالغ الأسى ضحايا حادث الدواويس الأليم ويقدم خالص التعازي والمواساة لأسرهم”