من ديوان/قيد الفراق
…ليه بتطلب تبقى جنبى
العمر كله..!!؟
…هو عمرى لسه فاضل
الا ضله…!!!؟
..انت فاكر حبى لك زى
حب العاشقين مابيعشقوا..!!؟
…واللا فاكر شوقى لك زى
شوق المشتاقين يتشوقوا…!!؟
…حبى زى حكايه تسمع
عنها أيوه ف ألف ليله
حبى فيه نسمايه ترجع
منها أيوه بألف سيره
…ليه تخلى شمس حبك
فجأه عندى معاك تغيب..!!؟
…ليه تشككنى فى غرامك
تلقى زيى فين حبيب…!!!؟
…مين يخاف عليك ياوردى؟
مين هتلقى عنده ودى..!!؟
..دى السعاده جت لنا منحة
زمان
…والموده كات لنا وصلة
حنان
..أيه بأيدى أعمله علشان
أسامحك…؟
… خلى فرصه لودنا يمكن
أصالحك
…جاى تطلب تبقى جنبى
العمر كله
…هوا عمرى لسه فاضل
الا ضله …!!!؟
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب