ماتبصش على شكلي
تعرف ايه عن أصلي و فصلي
ولا ايه جوايا
ولا مين ضدي و مين معايا
ولا هيا الحكايا
مين هما ناسي و أهلي
عايزين نقول كلمتنا
و نرسم من تاني ضحكتنا
و نلملم جراحنا واحزانا
واقول لنفسي تستاهلي
بتحكم لية بالمظاهر
وتعاند تملي و تكابر
ها قولك ومن الآخر
أنا زيك إنسان
ليا أمل وطموح
طول عمري وأنا مدبوح
وكنت فاكر الدنيا بتضحكلي
مش معنى إني فقير
وابويا مش وزير
وشعري زي الدخان بيطير
إني أكون ميت كمان
والحزن غير ملامحي
ها فضل أحلم و أحلم
وهانسا الجرح و الألم
ومش هاقطع في يوم العشم
يمكن يتجدد فرحي
أنا شاعر غلبان
بكتب وها كتب وما نيش ندمان
جوايا شلال و بركان
على أمل الحظ ف يوم يندهلي
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب