واحد كان زيي كدة حزين
ضرب كلمتين
مهرجانات على فرز وإعلانات
بقا لية مية ألف من المعجبين
وأنا إللي قلت الكلمة موالي
ودعوة أمي يارب حقاقهالي
حتى حبيبتى مش واعيالي
وهمها الفلوس تيجي منين
كلام غريب ما يتفهمش
وشويه موسيقى رزع على خبط
تقوم مفزوع من نومك وتنط
ومزز لزوم النتش والهبش
وسميعة زمان كنهم ميتين
مش مصدقه إني شاعر
بتقولي عم تعاند وتكابر
خليك ع الغلب صابر
طول عمرك فقري ومسكين
حتى أصحابي وأهل بلدي
كنهم ما سمعوش عني
ولا ما شافوش شعري
طب إحساسي وحبي ادية لمين
لوقلت مش عايز فلوس ابقا كداب
نفسي أعيش أنا وشعري حتي لو في سراب
مافية صاحب دق الباب
لحد امتا هاتفضلو ناسيين
وانتي يا دنيا بعتيني كام مرة
مفيش يوم جينا في الفكرة
بعشق وبحب ونفسي يا دنيا أطلع على وشك واقب
نفسي يا دنيا يبقالي معجبين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب