ياللي كلامي مش عاجبكم
لية بتسمعوة
أنا حاطط حلمي قدامي
وبكرة هاتشوفوة
مش محتاج نظره عطف ولا شفقة
وعمري ما عرف طريق الخوف
بكرة الايام راح تصاحبني
والحظ يندهلي ويناديني وهو مكسوف
أنا الايام خادت مني اكتر ما اديتيني
لاكن عمرها ما نسيتني
حب الخير و المعروف
ياعالم يا هوة
أنا والأحزان متواعدين
مين أنا وهيا مين
ولية مكتوب عليا أعيش حزين
وكن الفرح ما ستهلوش
صحابي فاتوني و باعوني
واحبابي مش قادرين يسامحوني
لية كل مرة بتموتوني
سيبوني أفرح و أعيش
عمر الجرح ما اساني
وف كل مرة ارجع من تاني
الملم جراحي وأحزاني
حلمي عايش جوايا ف ما تقتلهوش
ياعالم يا هوة
أنا زيي زي كل العاشقين
جوايا حب وحنين
مين يستاهل حبي ياناس مين
اعملو معروف
لو مش عاجبكم كلامي
لية بتسمعوة
أنا حاطط حلمي قدامي
وبكره ها تشوفوة
بكرة الايام تصاحبني
والحظ يندهلي ويناديني وهو مكسوف
ماتقتلوش جوايا حلم السنين
كفاية عليا الجرح والانين
بدور على ضحكه بس الاقيها فين فين
والقلب الطيب لية عايزين تموتوة
ياعالم يا هوه ياناس ارحموه
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب