يا بنت الناس فرق كبير بيني وبينك
أنا إنسان بسيط وإنتي كل الناس عاشقينك
إنتي نجمه عاليه في السما
غنوة جميله ودندنة
والحزن بلغ بيا المدى
مش ناقص جرح تاني
لسة جرحي الاولاني والجرح بقا جرحين
اياكشي فاكراني هاقع واطب
ما يغركيش شكلي
أنا ليا مشاعر وقلب
سنين وأنا صابر ع الغلب
لا الزمن خاد مني
ولا اي واحدة تانية
مهما كانت في البر عاليه
تقدر تغير حياتي
أو تقدر تعوضني الحنين
يا بنت الناس
الدهب ف اديكي ماس
حبي مش موجود
من زمن طويل وعقود
لأن حبي من طراز خاص
لسة ما اتعلمهوش التلاميذ
ولا شافوة في الكتب ولا الكراس
طول عمري بحب لاكن بقلب عزيز
وحبي دايما صادق وأمين
كنت فاكراني مين
ها لبس سلسله واتنطط
زي البيبي افرح بلعبتي وازيط
لا يا هانم
أنا مهما كنت حالم
وبحبك أيوة فاهم
لاكن محبش الغلط
أيوة بزعق واشخط
وطول عمري حزين
اياكشي فاكراني واد فرفور
ولا في الحب معزور
عندي حياء ومش مغرور
الحب عندي بحساب
بعيد عن المقرر وبعيد عن أي كتاب
كلمتي دايما سابقة
ولو بتحبيني و لسة عاشقه
حبيني زي ما أنا
أنا مش بهلوان
قلتلك قبل سابق بزعل وبغضب كمان
ساعات فيه شدة وساعات ابقا رايق وفايق
وساعات ببقا كلي شوق وحنان
وعمرها ما تغيرني السنين
لو بتحبيني وموافقة
خلاص اتفقنا قولي آمين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب